Rundtur Sogndal - Førde - Sogndal

Fra NOK 704

Sogndal - Skei - Førde - Sogndal (retur via Vadheim).

Denne turen starter i Sogndal og går via Skei til Førde. Frå Skei til Førde køyrer bussen langs Jølstravatnet. Dette området har blitt forma av isbrear og vatn i konstant bevegelse.

Heimen til den kjende målaren Nikolai Astrup (1880 - 1928), Astruptunet, ligg på sørsida av Jølstravatnet. Nikolai Astrup fann inspirasjon og motiv til sine fantastiske verk i den omkringliggjande naturen. Det livgjevande vatnet som skjerer seg gjennom landskapet, dei vekslande årstidene og det skiftande lyset var ei konstant inspirasjonskjelde for Astrup. Naturen i området har ofte same effekt på besøkande.

Å køyra langs Jølstravatnet med buss er ei fantastisk oppleving. Då ser ein verkeleg kor fargane speglar seg i vatnet, og får god forståing for kor Astrup henta inspirasjon frå.

Etter 60 minutt med buss frå Skei er de framme i Førde. Førde er ein liten småby med kafear, restaurantar, hotell og shoppingmogelegheiter.

Det er og mogeleg å vitja Sogn og Fjordane Kunstmuseum. Bygget som museet held til i, har fått ein internasjonal pris for sin spesielle arkitektur (arkitekt: C. F. Møller). Bygget symboliserer ei isblokk som har kome ned frå fjella som ligg kring byen. Museet produserer basisutstillingar med kunst frå eigne samlingar og skiftande utstillingar med samtidskunst. Omvising med guide på førespurnad. Museet har og ein kunst- og bokbutikk og kafé.

På turen tilbake frå Førde til Sogndal køyer bussen ned att til fjorden i Vadheim og de får nyte ei reise langs Sognefjorden, med panoramautsikt til fjord og fjell frå bussvindauget. Turen går gjennom den vakre bygda Balestrand, kryssar ei arm av Sognefjorden og køyrer gjennom små sjarmerande bygdeperler som Leikanger og Hermansverk, før de er tilbake i Sogndal sentrum.



Avgang frå: Sogndal busstasjon


Om våre turar
Dette er ein “Travel like the locals”-tur eller på norsk «Reis som dei lokale». Desse turane går med ordinære rutebussar, ferjer og hurtigbåtar, men vi har planlagt reisa for deg slik at du kan konsentrere deg om å nyte turen. Du reiser på eiga hand – det er ingen guide eller turleiar med. På dei fleste turane må du bytte mellom ulike transportmiddel fleire gonger, og du er sjølv ansvarleg for å kome med på neste etappe – på same måte som dei lokale reisande! (Turane er lagt opp slik at bussar, ferjer og hurtigbåtar korresponderer.)

Turane kan ikkje bestillast for heilagdagar og i ferieperiodar som påske og jul pga. avvikande rutetabellar. Tidtabellen som blir vist, gjeld for dei periodane turen kan bestillast.

Klikk her for å sjå vilkåra for reisa.

Fra NOK 704

Bestill nå!

PDF fakta

Last ned et PFD faktaark med all informasjon om den valgte turen Last ned PDF